Өскемен мен ШҚО ШҚО драма театры көрерменді премьераға шақырады
Осы сенбіде "Ұмытылмас күн" музыкалық драмасының тұсаукесері өтеді
Жанды жадыратар әсем ән, көңілді би түрлі музыкалық аспаптармен сүйемелденетін болады, деп хабарлайды Устинка LIVE тілшісі.
Осы уақытқа дейін "ӨМІР-ӨЗЕН", "А.Л.Ж.И.Р." сынды қойылымдармен көрермен жүрегін жаулаған жас режиссер Абай Дәулетұлы бұл жолы көрерменді жаңа дүниемен қуантпақ.
Қойылым әртүрлі ортада өсіп-тәрбиеленіп бір мамандыққа оқуға түскен жастардың студенттік өмірінен сыр шертеді. Сан алуан жағдайларға тап болған басты кейіпкерлер достық, махаббат, адамгершілік сынды асыл қасиеттерге арқа сүйеп зиянды әрекеттер мен өшпенділікке қалай қарсы тұрды. Олар арманның соңына еріп мақсаттарына жете ме, әлде жамандықтың жетегінде кете ме?
Билеттер бойынша 71-00-79, 8(775)223-94-07 нөмірлеріне хабарласуға болады. Сондай-ақ, TICKETON.KZ сайтында ұсынылған орындардан үйден шықпай-ақ билет алу мүмкіндігі бар.
