Өскемен мен ШҚО Заңсыз балық аулаған тарбағатайлық азамат ұсталды
Ол табиғатқа 600 мың теңгеден астам залал келтірген
Фото:
ШҚО ПД баспасөз қызметінен
Тәртіп сақшылары 130 келіге жуық балық тәркілеген, деп хабарлайды Устинка LIVE тілшісі ШҚО ПД баспасөз қызметі ақпаратына сүйеніп.
Зайсан көлінің жағасында жедел-алдын алу іс-шараларын өткізу барысында полицейлер балықты заңсыз аулаумен айналысқан 30 жастағы ер адамды ұстаған.
Оқиға орнында тәртіп сақшылары 130 кг-ға жуық көксерке мен қарақұйрықты, сондай-ақ 15-тен астам моноталшықты торларын тауып, тәркілеген, - делінген ШҚО ПД баспасөз қызметі ақпаратында. - Табиғатқа келтірілген залалдың жалпы сомасы 600 000 теңгеден асты.
Тарбағатай ауданының тұрғыны заңсыз балық аулағаны үшін қылмыстық жауапкершілікке тартылады.
Осы факті бойынша сотқа дейінгі тергеу жүргізілуде.
