ШҚО-да бірнеше ауданда оқушылар бүгін де мектепке бармайды

ШҚО Білім басқармасы ақпаратына сүйенсек, сыртқы ауа температурасының төмендеуіне байланысты кей аудандардағы мектеп оқушылары сабақты үйден оқиды, деп хабарлайды Устинка LIVE тілшісі.

Келесі мектептер онлайн режімде оқиды:

Риддер қаласы: ауа температурасы -23°С, шығыстан 2 м/с жылдамдықпен соққан жел екпіні 8 м/сек дейін болғандықтан бірінші ауысымның 0-ден 4-сыныптары.

Глубокое ауданы: Березовка мен Черемшанка ауылдарында ауа температурасы -28°-29°С болғандықтан бірінші ауысымның 0-ден 4-сыныптары.

Шемонаиха ауданы: -27°С, жел 3м/с, 0-ден 9-сыныпқа дейін.

Алтай ауданы: сыртқы ауа температурасының -34 -38 градусқа дейін төмендеуіне байланысты Алтай қаласындағы, Тұрғысын, М. Бикетов, Леснопристанская, Путинцевская, Зубовская, Маякская, Соловьевская орта мектептеріндегі бірінші және екінші ауысымының 0-11-сыныптары мен колледждің 1, 2-курстары қашықтан оқиды; -32°С байланысты Первомайская, Первороссийская, Чапаевская, Быковская орта мектептерінің 0-9-сыныптары; -30°С байланысты Жаңа Бұқтырма, Средигорненская, Дородницкая, Новокрестьянская, Подорловская, М. Харин атындағы,  Крестовская мектептерінің 0-4-сыныптары сабақты үйден оқиды.

Күршім ауданы: Ұрынхай, Төсқайың ауылдарындағы бірінші және екінші ауысымның 0-11-сыныптары; Күршімдегі мектептер мен Үшбұлақ, Сарыөлең, Бірлік, Барақ батыр ауылдарындағы 0-9-сыныптары; Алғабас, Шанағат, Оң жақ Қалжыр, Құйған мектептерінің 0-4-сыныптары қашықтан оқыту форматына ауысты.

Катонқарағай ауданы: Дамитов атындағы, Үлкен нарын, Новополяковка ауылдарындағы мектептердің 0-4-сыныптары.

Самар ауданы: Молдағұлова атындағы орта мектептің 0-2-сыныптары қашықтан оқиды.