Трендті қайталағысы келген оқушы мектепте жарылғыш зат барын хабарлаған

Жасөспірімінің ата-аналары әкімшілік жауапкершілікке тартылады, деп хабарлайды Устинка LIVE тілшісі ШҚО ПД ақпаратына сүйеніп.

Жасөспірім полицияға қоңырау шалып, мектепке бомба салынғаны туралы хабарлаған.

Абоненттік нөмірдің иесі 12 жасар орта мектеп оқушысы болып шықты. Оның телефонынан сыныптасы танымал әлеуметтік желілердің трендтерін қайталауға шешім қабылдап, полицияға хабарласқан, - деп мәлімдеді ШҚО ПД баспасөз қызметі. - Қазіргі уақытта балаға қатысты материал кәмелетке толмағандар жөніндегі комиссияның қарауына берілді. Кәмелетке толмағандарды тәрбиелеу жөніндегі міндеттерді тиісінше орындамағаны үшін ата-аналарға әкімшілік айыппұл салынады.

Полиция департаменті қоғамдық резонанс пен ықтимал салдарын ескере отырып, терроризм актісі туралы көрінеу жалған хабарлағаны үшін әкімшілік қана емес, қылмыстық жауапкершілік те көзделгенін ескертеді. Баптың санкциясы 5 жылға дейін бас бостандығынан айыруды қарастырады.