Зейнеткерлерге бір реттік материалдық көмек көрсетілетіні – жалған ақпарат
Әлеуметтік желілер мен мессенджерлерде зейнеткерлерге 50 мың теңгеден бір реттік төлем берілетіндігі туралы ақпарат тараған
![Усть-Каменогорск и ВКО / Зейнеткерлерге бір реттік материалдық көмек көрсетілетіні – жалған ақпарат Усть-Каменогорск и ВКО / Зейнеткерлерге бір реттік материалдық көмек көрсетілетіні – жалған ақпарат](/upload/iblock/00b/kjx021g1aktv84teaijxkdzqt3xgdqjw/v_natsbanke_rasskazali_o_povyshenii_bazovoy_stavki.jpg)
Өскемен қаласының жұмыспен қамту және әлеуметтік бағдарламалар бөлімі бұл ақпараттың шындыққа жанаспайтынын мәлімдеді, деп хабарлайды Устинка LIVE тілшісі.
Зейнетақысы 140 мың теңгеден аспайтын зейнеткерлерге мемлекеттен 50 мың теңге мөлшерінде біржолғы төлем берілетіні туралы мессенджерлер мен әлеуметтік желілерде таратылып жатқан ақпарат шындыққа жанаспайды, - делінген хабарламада. - Тағайындалған қаражатты алу үшін белгісіз адамдар Халыққа қызмет көрсету орталығына хабарласып, №2 нысанды толтыруды ұсынады.
Жұмыспен қамту және әлеуметтік бағдарламалар бөлімі аталған материалдық көмек түрі жоқ екенін және мемлекеттік қолдаудың тиісті шаралары туралы ресми ақпарат тек қана 1414 нөмірінен СМС-хабарламалар арқылы таратылатынын хабарлайды.
Азаматтарға тек ресми көздердегі ақпаратқа сену және жалған ақпарат тарату заңмен жазаланатыны ескертіледі.