Өскемен мен ШҚО ШҚО-да жол апатынан екі адам қаза тапты
"Өскемен-Семей" тас жолында оқыс жол-көлік оқиғасы орын алып, екі адам қаза тапты
Фото:
ШҚО ПД баспасөз қызметінен
9 қаңтар күні сағат 15.25 шамасында "Өскемен-Семей" тас жолының 23 шақырымында, Саратовка кентінің ауданында "Нива Шевроле" және "Тойота" маркалы екі көлік соқтығысқан, деп хабарлайды Устинка LIVE тілшісі ШҚО ПД ақпаратына сүйеніп.
Апат салдарынан екі жолаушы алған дене жарақатынан оқиға орнында қайтыс болған.
"Абайсызда бірнеше адамның өліміне әкеп соққан көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзу" фактісі бойынша ҚР ҚК-ның 345-бабы 4-бөлігі бойынша сотқа дейінгі тергеп-тексеру басталды. Оқиғаның барлық мән-жайлары анықталуда, тиісті сараптамалар тағайындалды.
