Өскемен мен ШҚО Өскемен мен Жезқазған арасында тікелей әуе рейсі ашылады
Екі қала арасында 12 қаңтардан бастап аптасына екі рет ұшақ ұшады
QAZAQ AIR әуекомпаниясы 12 қаңтардан бастап Жезқазғаннан Өскеменге тікелей әуе қатынасын іске қосады, деп хабарлайды Устинка LIVE.
Рейстер сәрсенбі және жұма күндері аптасына 2 рет: IQ 501 Жезқазған (11.30) – Өскемен (13.20); IQ 502 Өскемен (13.50) –Жезқазған (15.50).
Жезқазған-Өскемен-Жезқазған бағыты бойынша ұшулар жаңа генерацияланған de-Havilland Dash 8-Q400 канадалық әуе кемесінде орындалатын болады, - деп хабарлады QAZAQ AIR әуекомпаниясы. - Субсидияланатын әлеуметтік маңызы бар авиарейстердің құны бір бағытта 15 000 теңгені құрайды.
14 жасқа дейінгі балаларға компания 50% көлеміндегі жеңілдік ұсынады. Қолжүгін тасымалдау нормасы 5 кг, жолжүктікі – 20 кг. Ұшу датасы мен билеттерді қайтару кезінде ақша ұсталмайды.
Билеттерді қазірден бастап flyqazaq.com ресми сайтынан, сондай-ақ әуекомпанияның сату кеңселерінде брондауға және сатып алуға болады.