Өскемен мен ШҚО ШҚО-да жаңа жылда 45 бала дүниеге келді
Жаңа жылдың алғашқы күндері облыста қыздарға қарағанда ұлдар көп туылды
Фото:
pexels.com
2024 жылдың бірінші күні ШҚО-да ұл бала дүниеге келді, деп хабарлайды Устинка LIVЕ тілшісі ШҚО Денсаулық сақтау басқармасы ақпаратына сүйеніп.
Жылдың алғашқы күндері облыстың дәрігерлері 28 ұл мен 17 қыз баланың кіндігін кесті.
1 қаңтар күні түнгі сағат бірлерде ұл бала дүниеге келді, артынан сағат екілер шамасында тағы бір ұл, 5 шамасында қыз бала дүниеге келді, - деп хабарлады ШҚО Денсаулық сақтау басқармасының баспасөз қызметі.
Осы орайда айта кетейік, 2023 жылы өңірде 8172 бала өмірге келген. Олардың арасында 87 - егіздер мен үшем.
