Өскемен мен ШҚО Ертең ШҚО-да қатты жел, көктайғақ, жауын-шашын болады
29 желтоқсанда Шығыс Қазақстанда қатты жел, жауын-шашын мен көктайғақ күтіледі
"Қазгидромет" ШҚО филиалының ақпараты бойынша, күндіз облыстың солтүстігінде, шығысында, орталығында жауын-шашын (жаңбыр, қар), бұрқасын, көктайғақ болады. Жел оңтүстік-шығыстан соғады, түнде облыстың солтүстігінде, шығысында күші 15-20 м/с, күндіз облыстың басым бөлігінде күші 15-20 м/с, облыстың солтүстігінде, оңтүстік-шығысында екпіні 23-28 м/с, кей уақыттарда 30 м/с және одан аса күтіледі.
Өскемен қаласында күндіз көктайғақ күтіледі, оңтүстік-шығыстан жел соғады, екпіні 17-22 м/с.
Қолайсыз ауа райында халық елді мекендерден тыс жерлерге шығудан бас тартуы керек. Егер шығу қажет болса, жол жағдайын "Дармен" тегін мобильді қосымшасы немесе арнайы телефон нөмірлері арқылы біліп алу қажет. Республикалық маңызы бар жолдардың жай-күйі туралы 26-28-08, облыстық-57-42-52 телефондары арқылы нақтылауға болады.