ШҚО-да дауылды ескерту жарияланды

"Қазгидромет" ШҚ филиалының ақпараты бойынша, 28 желтоқсанда облыстың солтүстігінде, шығысында, оңтүстігінде жаяу бұрқасын, көктайғақ болады, деп хабарлайды Устинка LIVE тілшісі.

Жел оңтүстік-шығыстан, оңтүстіктен соғады, облыстың солтүстігінде, шығысында, оңтүстігінде 15-20 м/с.

Боран, көктайғақ кезінде жолдың көрінуі нашарлайды, көлік қозғалысы қиындап, кептеліс туындауы мүмкін. Бұл уақытта мүмкіндігінше елді мекендерден тыс жерлерге шығудан бас тартқан жөн.

Жолға шықпас бұрын автожолдардың жай-күйі жайлы ақпаратты "Дәрмен" тегін ұялы қосымшасы арқылы біліп алған абзал.

Төтенше жағдайлар туындаған кезде "112" телефоны бойынша хабарлау қажет.