Өскемен мен ШҚО Шығыс қаламгерлерінің шығармалары жарық көрді
"Абай әлемі" кітаптар топтамасының жаңа шығарылымының тұсаукесері өтті
Осы жылғы топтамаға Бөкей, Қайсеновтен өзге, Хамит Балшабеков, Жұмағазы Игісін, Серік Құсанбаев және басқа да ақын-жазушылардың шығармалары енді, деп хабарлайды Устинка LIVE тілшісі.
ШҚО Мәдениет басқармасының ақпаратына сүйенсек, осы жылғы топтама Оралхан Бөкейдің бұрын көп таралыммен шыға қоймаған таңдамалы драмалар жинағынан, партизан-жазушы Қасым Қайсеновтің повестерінен бастау алды.
Оралхан Бөкейдің 80 жылдық мерейтойына орай қаламгер жайлы естелік толғамдар Ғаббас Қабышұлының құрастыруымен "Халықтың Оралханы" деген атпен жарық көрді.
Жобаны жерлес ақын Хамит Балшабеков, қара сөздің қадірін арттырған қаламгердің бірі Жұмағазы Игісін, "Звено Алтая" әдеби бірлестігінің төрайымы Наталья Матвеева, айтыскер ақын Серік Құсанбаев, катонқарағайлық ақын Төлеген Рақымжанұлы, Зайсан ауданының тумасы, ақын Тоқтарбек Қызықбай, шежіреші, ұстаз-ақын Сиезхан Құдабаев, ақын, драматург Әскерхан Ақтайдың шығармалары толықтырды, - делінген ШҚО Мәдениет басқармасы ақпаратында.
Жаңа топтамамен қазақ әдебиеті тарихында тұңғыш рет "Қазақ сатирасының антологиясы" жарыққа шығып, оқырманға жол тартты.
Жерлес он жас ақынның үздік поэтикалық туындылары жеке жинақ болып жарыққа шықты.
