Өскемен мен ШҚО Өскемендегі "АвтоЦОН" құрылысы келесі жылы аяқталады
Мамандандырылған халыққа қызмет көрсету орталығы 2023 жылдың желтоқсанында тапсырылуы тиіс еді
Қаражат жетіспеушілігі мен ауа райына байланысты құрылыс жұмыстары кешіктірілуде, деп хабарлайды Устинка LIVE тілшісі ШҚО әкімдігі ақпаратына сүйеніп.
ШҚО әкімі Ермек Көшербаев Өскеменде салынып жатқан арнайы халыққа қызмет көрсету орталығына барып, құрылыс жұмыстарының қарқынын көріп қайтты.
Қазіргі таңда облыс орталықтарының арасынде тек Өскеменде ғана мамандандырылған халыққа қызмет көрсету орталығы жоқ.
Бұл адамдар жүргізуші куәлігін алудан бастап, көлік құралын тіркеуге дейін қызметтердің толық спектрін ала алатын маңызды нысан. Мұнда көлік жүргізу бойынша теориялық және практикалық емтихандарды тапсыруға болады.
Бүгінгі таңда іргетас құрылымдары жұмыстары аяқталып, металл конструкциялары орнатылды, сумен жабдықтау және кәріз төсеу жұмыстары жүргізілді, асфальттау және жиектерді орнату жұмыстары да аяқталды, - делінген ШҚО әкімінің әлеуметтік желідегі парақшасында. - Алайда мұндай қажетті нысанның құрылысын аяқтау мерзімі бірнеше себептерге байланысты кешіктіріледі. Біріншісі - қаражаттың жетіспеушілігі. Нәтижесінде нысанға демеушілерді тарту үшін ӘКК-ге берілді. Қазір инвестор табылып, жұмыстар жүргізілуде. Ауа райына байланысты мерзімнен сәл ауытқу байқалуда. Арнайы халыққа қызмет көрсету орталығы 2023 жылдың желтоқсанында тапсырылуы тиіс еді, енді мерзім 2024 жылдың бірінші тоқсанына шегерілді.
