Өскемен мен ШҚО Өскеменде көшеде тұрған көліктен өрт шықты
Өрт сөндірушілер дереу жетіп, дереу көмек көрсетті
Фото:
ШҚО ТЖД
Оқыс оқиға Өскемен қаласының М. Горький көшесінде орын алды, деп хабарлайды Устинка LIVE ШҚО ТЖД баспасөз қызметі ақпаратына сүйеніп.
"Лада Ларгус" маркалы көлігінің аспаптар панелі жанды. Оқиға орнына келген өрт сөндірушілер 1 ш.м. алаңдағы өртті сөндірді, - делінген хабарламада.
ШҚО ТЖД ақпаратына сүйенсек, көлік өрті көбінесе электр сымдарының дұрыс жұмыс істемеуіне байланысты туындауы мүмкін. Көбінесе көліктер радиоқабылдағыштың немесе дабылдың дұрыс орнатылмауынан жана бастайды.
Өрт сөндірушілер қауіпсіздік ережелерін елеусіз қалдырмай, көлікте міндетті түрде өрт сөндіргіш болуы керектігін ескертеді.