Өскемен мен ШҚО 
Қызметкерлерін ең көп жұмыстан қысқартқан «Азия Авто» зауыты
Кәсіпорынның 200 қызметкері жұмыссыз қалды. Алайда қалалық жұмыспен қамту бөлімінің мәліметінше, ондай кәсіпорынға бұл сан түкке тұрғысыз
Фото:
bfm74.ru
Өткен жылдың қорытындысы бойынша Өскемен қаласында 425 адам жұмыссыз қалған. Солардың тең жартысы «Азия Авто» зауытының қызметкерлері.
- Біз қалалық кәсіпорындардың берген мәліметі негізінде статистикалық есеп жүргіземіз. – деп мәлімдеді баспасөз мәслихатында қалалық жұмыспен қамту бөлімінің басшысы Мәуліхат Құсайынова. – Өткен жылы «Азия Авто» зауыты 200 қызметкерді жұмыстан босатты. Ондай ірі кәсіпорын үшін бұл көп емес. Жаппай жұмыстан босату фактісі қалада кездеспеді. Қаладағы түрлі мекемелермен жұмыс орнын сақтау туралы 300-ге жуық меморандумға қол қойылған.
Жұмыстан қысқарғандардың 164-і жұмыспен қамту орталығы мен бөлімі арқылы жаңа жұмыс тауып үлгерген. ағымдағы жылдың екі айы ішінде 15 адам жұмыстан қысқарса, қаңтар айының көрсеткіші бойынша қалада 887 адам жұмыссыз ретінде тіркелген.