ШҚО-да аязға байланысты республикалық жолдарда кей көлік түрлеріне шектеу қойылды

Шектеу облыстағы республикалық маңызы бар үш учаскеде енгізілді, деп хабарлайды Устинка LIVE тілшісі "КАЖсервис" ЖШС ШҚОФ ақпаратына сүйеніп.

Сыртқы ауа температурасының төмендеуіне байланысты 12 желтоқсан сағат 18.00-ден бастап қоғамдық көліктер мен дизельді қозғалтқышты көліктер үшін республикалық маңызы бар жолдардың үш учаскесінде жүруге шектеу қойылды, - делінген хабарламада.

Келесі жолдарда:

• "Өскемен-Шемонаиха-РФ шекарасы" (15-102 км., 105-123 Глубокое кентіне бұрылыс- РФ шекара);
• "Өскемен-Риддер-РФ шекара" (15-105 км., Белоусовка к.-Риддер шекара);
• "Өскемен-Алтай-Үлкен Нарын-Катонқарағай-Рахман қайнарлары" (6-166 км, Ушановское а.-Алтай қ.)