Өскемен мен ШҚО ШҚО-дағы мектептерде түскі ауысымға сабақтар қашықтан болады
Өскемен мен Риддер, Шемонаиха қалалары және Тарбағатай, Глубокое аудандарында сыртқы ауа температурасы төмендеуіне байланысты оқушылар мектепке бармайды
Өскемен қаласында -25ºС аяз, желдің жылдамдығы 3 м/сек болуына байланысты екінші ауысымның 0-ден 4-ші сыныптары сабақты қашықтан оқиды.
Риддер қаласында -28ºС аяз, желдің жылдамдығы 3 м/сек болуына байланысты 0-ден 9-сыныпқа дейін мектепке бармайды.
Шемонаиха ауданында сыртқы ауа температурасы -26ºС -29ºС суық. 1-4-ші сыныптарға сабақ қашықтан, 5-11-ші сыныптар мектептен оқиды.
Глубокое ауданында -28ºС -29ºС суық және жел 2 м/сек желге байланысты Верх-Берёзовка орта мектебі, Белоусовкадағы мектептер мен Опытное поле, Предгорное мектептерінің оқушыларына сабақтар қашықтан барады.
Тарбағатай ауданы бойынша жел күшейіп, күн аяздатуына байланысты Тұғыл ауылында Т. Рыскулов атындағы орта мектебі, Ш. Уәлиханов атындағы орта мектебі, Акжар ауылында М. Әуезов атындағы Ақжар орта мектебі, Абай атындағы орта мектебі, Шорға ауылында Ы. Алтынсарин атындағы орта мектебі, Шенгелді ауылында К. Сәтпаев атындағы Шенгелді мектеп-бөбекжай-балабақша кешені, Жамбыл ауылында Жамбыл атындағы мектеп-балабақша кешені, Байтоғас ауылында Ғ. Мүсірепов атындағы орта мектептерінде түскі ауысым қашықтықтан оқытуға ауыстырылды.
