Өскемен мен ШҚО Өскеменде жүзге жуық адам қызылша жұқтырған
Облыс орталығында қызылшамен сырқаттанғандар саны артып келеді
Негізінен науқастардың көбі вакцина алмағандар, деп хабарлайды Устинка LIVE тілшісі ШҚО СЭБД Санитарлық-эпидемиологиялық бақылау басқармасы ақпаратына сүйеніп.
Біз байланыста болған адамдар тобын және олардың егу мәртебесін анықтай отырып, қызылшаның әрбір жағдайына эпидемиологиялық тексеру жүргіземіз. Медициналық ұйымдарға эпидемияға қарсы және профилактикалық іс-шараларды ұйымдастыру жөнінде қызметтік хаттар жіберілді, - деді ШҚО СЭБД Санитарлық-эпидемиологиялық бақылау басқармасы басшысының орынбасары Арман Сағындықов.
Сонымен қатар, Өскеменде қызылша, қызамық және паротитке қарсы қосымша жаппай иммундау басталды.
Сондай-ақ, басқарма мамандары денсаулық сақтау ұйымдарында, орта және жоғары білім беру нысандарында, мектепке дейінгі мекемелерде қызылшаның алдын алу бойынша санитарлық-ағарту жұмыстарын жүргізіп, парақшалар, буклеттер мен жадынамалар таратып жатыр.
