Өскемен мен ШҚО Осы аптада 25-33 градус аяз күтіледі
ШҚО-да сыртқы ауа температурасы 10-18 градусқа дейін төмендейді
Аптаның басында республиканың батыс және солтүстік бөлігі циклонның және онымен байланысты атмосфералық фронтальді бөлімдердің ықпалында болады, жауын-шашын мен қар күтіледі, деп хабарлайды Устинка LIVE "Қазгидромет" РМК ақпаратына сүйеніп.
6 желтоқсанда еліміздің солтүстігінде қатты қар болжанады, көктайғақ, бұрқасын күтіледі. Тек Қазақстанның оңтүстігінде, оңтүстік-шығысында жауын-шашын болмайды. 07 желтоқсанда суық солтүстік-батыс антициклонның енуімен бүкіл республика бойынша жауын-шашын тоқтайды және ауа температурасы күрт төмендейді, - деп болжады синоптиктер.
Түнде еліміздің батысында, орталығында және шығысында 10-18 градус аязға дейін, республиканың солтүстік-батысында және солтүстігінде 25-33 градус аязға дейін, оңтүстігінде 5-13 градус аязға дейін күрт төмендейді.
Қазақстан бойынша тұман мен жел күшейеді деп күтілуде.
