Өскемен мен ШҚО Өскемендегі трамвайларда енді кондуктор болмайды
Қаладағы трамвайлар толықтай электронды билеттеу жүйесіне көшті
Осыған байланысты 1 желтоқсаннан бастап қаладағы барлық трамвайлар кондукторсыз жүреді, деп хабарлайды Устинка LIVE тілшісі "Өскемен қаласының көлік компаниясы" ЖШС ақпаратына сүйеніп.
- Компания сараптамасына сүйенсек, соңғы 6 айдағы көрсеткіш бойынша бір күн ішінде трамвай жолаушыларының 51%-ы жолақыны "Kaspi.kz" қосымшасы арқылы, 32-35%-ы карта бойынша валидатор арқылы, 17-15% қолма-қол ақшамен төлеген. Бұл 1 сағатта 12-13 жолаушы. Яғни, кондукторсыз жұмыс істеуге болады.
Трамвайға отырғанда жол ақысын ыңғайлы әдіспен уақтылы төлеуді сұраймыз. Қолма-қол жолақысын трамвай жүргізушісіне төлеп, билет аласыз, - деп ескертеді компания басшылығы.
Қоғамдық көлікте жол ақысының төленген-төленбегенін тексеретін бақылаушылар жүретінін естен шығармаған жөн. Жол ақысы төлемегендерге 2 АЕК көлемінде айыппұл салынады.
