Өскемен мен ШҚО ШҚО нейрохирургтері абайлық азаматтарға жоғары технологиялық ота жасады
ШҚО-ның нейрохирургтары көрші облыстағы әріптестерімен жұлынға нейростимулятор имплантациялау бойынша тәжірибелерімен бөлісті
Абай облысында алғаш рет "СМУ" КЕАҚ университеттік госпиталінің нейрохирургия бөлімшесінде ШҚО мамандандырылған орталығының инновациялық медицина бөлімшесі дәрігерлерінің мультидисциплинарлық тобы мастер-класс өткізді, деп хабарлайды Устинка LIVE ӘМСҚ ШҚО филиалы баспасөз қызметі ақпаратына сүйеніп.
Екі күн бойы шығысқазақстандық мамандар тікелей операциялар кезінде көрші облыстың әріптестеріне дәріс оқып, өз тәжірибелерімен бөлісті.
Мастер-класс аясында инновациялық медицина бөлімшесінің меңгерушісі, нейрохирург, PHD докторы Жандос Уаптың басшылығымен Абай облысының он тұрғынына жоғары технологиялық операция жасалды. Абай облысында алғаш рет пациентке жұлынға нейростимулятор имплантацияланды, осылайша айқын созылмалы ауырсыну синдромы тоқтатылды, - делінген хабарламада.
Науқас соңғы үш жыл бойы қатты ауырсынудан түнде ұйықтай алмағанын және ауырсынуды басатын дәрілер ешқандай әсер етпегенін айтқан болатын. Енді операциядан кейін оның жағдайы, өмір сапасы жақсарды.
Естеріңізге сала кетейік, бұған дейін ШҚО мамандандырылған медициналық орталығы инновациялық бөлімшесінің дәрігерлері көптеген жылдар бойы ауырып келе жатқан 47 жастағы науқастың жұлынына нейростимулятор орнатқанын жазған болатынбыз. Нейростимулятор пациентке қатты ауырсынулардан арылуға көмектесті. Ол оған дейін де бірнеше күрделі операциялар жасатқанымен, көмегі болмаған.
Абай облысында мастер-класс аясында тағы бірнеше жоғары технологиялық оталар жасалды. Мысалы, ишемиялық инсульт қаупі бар науқасқа экстра интрокраниальді шунттау жүргізілді. Операцияның мәні – қан тамырларының зақымдалған аймағын айналып өтіп, қан айналымының жүруіне мүмкіндік беретін балама жолды құру. Айналма жол шунт деп аталады.
Сондай-ақ, мастер-класс барысында жұлынға тоғыз күрделі эндоваскулярлық операция жасалды, олардың арасында Вада тестімен мидың қатерлі ісігін эмболизациялау жүргізілді. Бұл тест операциядан кейінгі функционалдық бұзылуларды болжау үшін нейрохирургиялық араласуды жоспарлау барысында қолданылады.
Жергілікті мамандар жұлынға мұндай операцияларды бұған дейін өз беттерімен жасаған жоқ.
Абай облысының он пациентінің денсаулығы түзелді. "СМУ" КЕАҚ университеттік госпиталінің басшылығы Өскемен қаласының дәрігерлер тобына - Жандос Уап, Мұхтар Қорабаев, Ғұмар Қаденов, Рауан Қылышбеков, Ертай Сымбатұлы, Әбілқайыр Омарбекке шеберлік сыныбын өткізгені үшін үлкен алғысын білдіреді. Барлық пациенттер осы жоғары технологиялық медициналық көмекті МӘМС аясында алды, - деп атап өтті Семей қаласының университеттік госпиталінде.
Айта кетейік, өскемендік дәрігерлер тобы университет госпиталінің техникалық мүмкіндіктерінің жоғары екенін, осындай күрделі операцияларды жасау үшін заманауи жабдықтармен толық жарақтандырылғанын атап өтті. Шығыс Қазақстанға келетін болсақ, Жандос Уап бұл операция түрлері өңір тұрғындарына қолжетімді екенін ескертті. Ол үшін клиникада жабдықтар да, кадрлар да жеткілікті. Бұл мәселеде әлеуметтік медициналық сақтандыру қоры тарапынан қаржыландыруға назар аудару қажет, дейді дәрігерлер.
