ШҚО Экология департаменті басшысының орынбасары қамауға алынды
Ол кәсіпкерден аса ірі көлемде пара алды деген күдікке ілікті
![Усть-Каменогорск и ВКО / ШҚО Экология департаменті басшысының орынбасары қамауға алынды Усть-Каменогорск и ВКО / ШҚО Экология департаменті басшысының орынбасары қамауға алынды](/upload/iblock/0b0/zrwau2pj2qmnyrsanaos92p784cyfv4u/imgonline_com_ua_Resize_Vss9kR2np5.jpg)
Сыбайлас жемқорлыққа қарсы қызметі ШҚО департаменті мен Прокуратураның бірлесіп жүргізген жасырын тергеу әрекеттерінің нәтижесінде облыстың Экология департаменті басшысының орынбасары әшкереленді, деп хабарлайды Устинка LIVE тілшісі.
Ол ҚР ӘҚБтК-ның 328-бабы 4-бөлігі (Қоршаған ортаға жол берілетін антропогендік әсер ету нормативтерін бұзу) бойынша өңірдегі кәсіпорындардың бірін әкімшілік жауаптылыққа тартпағаны үшін ірі көлемде пара алды деп күдіктелуде, - делінген хабарламада.
Соттың санкциясымен күдікті қамауға алынды.
Қылмыстық-процестік кодексінің 201-бабына сәйкес тергеу мүддесі үшін өзге ақпарат жария етуге жатпайды.