Өскемен мен ШҚО Әскери борышын өтегендер ҰБТ тапсырмай-ақ әскери оқу орнына түсе алады
Келесі жылдан бастап мерзімді әскери қызмет өткергендер Ұлттық бірыңғай тестілеуді тапсырмай-ақ ІІМ әскери оқу орындарына түсе алады
Ол үшін әскери білім алуға ниет білдіруші Отан алдындағы борышын атқарғаннан кейін бір жыл ішінде оқуға тапсыруы керек, деп хабарлайды Устинка LIVE тілшісі "Шығыс" өңірлік қолбасшылығының баспасөз қызметі.
Оқуға түсетін үміткерлердің жас шамасы 23 жастан аспауы шарт. Еске салайық, Ұлттық ұланның әскери бөлімдеріндегі әрбір шақырылымның 20 пайызы ғана оқуға түсу мүмкіндігіне ие болады.
Еске салайық, ҚР Ішкі істер министрінің 2023 жылғы 28 қыркүйектегі №709 бұйрығымен "Жоғары білімнің білім беру бағдарламаларын іске асырып жатқан Қазақстан Республикасы Ішкі істер министрлігінің әскери, арнаулы оқу орындарына оқуға қабылдау қағидаларын бекіту туралы" ҚР Ішкі істер министрінің 2016 жылғы 26 қаңтардағы№77 бұйрығына өзгерістер енгізілген болатын.
Барлық сұрақтардың жауабын 87775417213 нөмірі арқылы білуге болады.
