Қоғамдық көлікте кімдер тегін жүре алады?

Ол үшін арнайы жеңілдік карталарын алу қажет, деп еске салады Устинка LIVE тілшісі.

"Автомобиль көлігі туралы" Қазақстан Республикасы Заңының 20-бабына сәйкес әлеуметтік маңызы бар қатынастарда, сондай-ақ қалалық қатынастарда жолаушылар мен багажды автомобильмен тұрақты тасымалдауда "Алтын алқа", "Күміс алқа" алқаларымен наградталған немесе бұрын "Батыр Ана" атағын алған, сондай-ақ "I және II дәрежелі Ана даңқы" ордендерімен наградталған көпбалалы аналар және 1-топтағы мүгедектігі бар адамдардың тегін жол жүруге құқығы бар.

Жеңілдікті көлік картасын алу үшін өтініш жазу, жеке басын куәландыратын құжатты және жеңілдікке құқығын растайтын құжатты, сондай-ақ 3х4 немесе 4х5 (тиісті жастағы)форматтағы фотосуретті ұсыну қажет, - деп ескертеді "Өскемен қаласы ЖТБО" ЖШС басшылығы.

Жеңілдік карталарын төмендегі мекенжайлар бойынша алуға болады:

1. ЦТУ филиалы 1-Сәтпаев даңғылы, 36 2. ЦТУ филиалы 2-Челюскин көшесі, 17/1 3. ЦТУ филиалы 3-Чехов көшесі, 68 4. ЦТУ филиалы 4-Буров көшесі, 24 5. ЦТУ филиалы 5-Менделеев көшесі, 4 6. ЦТУ филиалы 6-Атлантическая көшесі, 38 7. ЦТУ филиалы 7-Добролюбов көшесі, 25 8. ЦТУ филиалы 8-Б. Гагарин, 20 9. ЦТУ филиалы 9-Октябрьская көшесі, 123 10. ЦТУ филиалы 10 - Бажов көшесі, 546 11. ЦТУ филиалы 11-Меновное кенті. Горький көшесі, 11а 12. Өскемен қаласының халықты жұмыспен қамту орталығы - Шәкәрім даңғылы, 149/10

Картаны жасау процесі бес жұмыс күніне дейін созылады, оны өтініш жазылған жерден алу керек, - делінген хабарламада. - Жеңілдік картасы туралы қосымша сұрақтарды Call-орталыққа 70-09-07 (ішкі 105) немесе 8-708-470-07-31 нөмірі бойынша қоюға болады.