ШҚО-да көмір тиелген вагондар рельстен шығып кеткен

Бүгін таңертең "Бұқтырма-Заводинка" темір жолының учаскесінде жүк пойызының 12 вагонының дөңгелегі рельстен шығып кеткен, деп хабарлайды Устинка LIVE тілшісі.

Ағымдағы жылдың 26 қазанында сағат 06.07-де "Бұқтырма-Заводинка" аралығында жүк құрамындағы вагондар рельстен шығып кетті. Құрбандар болғандар мен зардап шеккендер жоқ. Пойыз 38 км/сағ жылдамдықпен жүрген (осы учаскеде белгіленген жылдамдық 40 км/сағ), - деп хабарлады "Қазақстан темір жолы" ҰК" АҚ баспасөз қызметі.

Апат салдарын жою үшін оқиға орнына Өскемен станциясының қалпына келтіру пойызы жіберілді. Вагондардың рельстен шығып кетуі басқа пойыздардың жүру кестесіне әсер еткен жоқ.