Өскемен мен ШҚО Өскеменде трамвай жолдарын жөндеу жұмыстары тағы бір күнге созылады
Қаладағы жауын темір жолды жөндеу жұмыстарын уақтылы бітіруге кедергі келтірді
"Өскемен қаласының көлік компаниясы" ЖШС трамвайлар ертеңнен бастап қатынайды деп отыр, деп хабарлайды Устинка LIVE.
Үлбі көпірінен шығатын жолдардағы трамвай рельстерін қайта жаңарту және жаңғырту жұмыстарының басталуына байланысты қалада 4 қазан мен 13 қазан аралығында 10 күнге трамвай қозғалысы тоқтатылған болатын.
Алайда жұмыстар әлі де толық аяқталған жоқ.
Қолайсыз ауа райы, нақтырақ айтсақ 14-15 қазан күндері тоқтаусыз жауған жауын жұмысты уақтылы аяқтауға кедергі келтірді. Сондықтан да трамвайларды ары кетсе бір күнге кешіктіріп шығаруға мәжбүрміз. Яғни, трамвайлар 17 қазаннан бастап жұреді. Жұмыстар 16 қазанда да жүреді. Жұмысшылар жаңбырлы күні де жұмыстарын тоқтатқан жоқ, - деп мәлімдеді "Өскемен қаласының көлік компаниясы" ЖШС.
Айта кетейік, темір жолдың көпірден түсер жеріндегі рельстері соңғы рет 1993-1995 жылдары жөнделген.