Өскеменде Ұлан ауданының мәдени күндері өтеді
Алдағы жұма, сенбі күндері облыс орталығында бірқатар мәдени, спорттық шаралар және ауылшаруашылық жәрмеңкесі өтеді
Өскеменде "Туған жер – алтын бесігім" жобасы аясында Ұлан ауданының мәдени күндері өтеді, деп хабарлайды Устинка LIVE.
6 қазан күні кешкі сағат 19.00-де "Ертіс концерт" залында аудан өнерпаздарының ұйымдастыруымен "Ұланым - мақтанышым" атты гала-концерті өтеді.
7 қазан сағат 08.00-13.00 аралығында Fresh Market сауда орталығы маңында сенбілік жәрмеңке ұйымдастырылып, қонақтарға палау, ұн қуырдақ, ыстық шай мен бауырсақ таратылады. Киіз үйде қазақтың ұлттық тағамдарынан көрме ұйымдастырылады.
Сол күні сағат 10.00-де Арбатта қолөнер шеберлерінің көрмесі, әр ұлт билерінен флешмоб, "Аяулы жас келін" сайысы мен түрлі спорттық ойындар (армрестлинг, желке тартыс, жеміс-жидектермен дойбы ойыны) өтеді.