Өскемен мен ШҚО Шығыс Қазақстан облысы ТЖД-ға жаңа басшы тағайындалды
Бұл қызметке бұрын ҚР ТЖМ штаб-департаментінің бастығы қызметін атқарған Ерғали Бахаев келді
Фото:
ШҚО ТЖД
Ұжымға жаңа басшыны Қазақстан Республикасы Төтенше жағдайлар вице-министрі генерал-майор Ерлан Нұрпейісов таныстырды.
Ол Ерғали Бахаевты Төтенше жағдайлар жүйесінің ерекшеліктерін білетін тәжірибелі және сауатты маман екенін атап өтті.
Ерғали Бахаев 1973 жылы Түркістан облысының Арыс қаласында дүниеге келген.
Азаматтық қорғау органдарында 1998 жылдан бастап қызмет етеді, қызмет жолын ҚР ТЖМ әскери бөлімі құтқару взводының командирінен бастады. Одан әрі Оңтүстік Қазақстан облысы ТЖ департаментінде қызметін жалғастырды. 2018-2020 жылдары Шымкент қаласы ТЖ департаменті бастығының орынбасары болған.