Өскемен мен ШҚО Газ баллонын дұрыс пайдаланбағаннан өрт шықты
Бүгін Өскемендегі пәтерлердің бірінде қауіпсіздік шараларын сақтамау салдарынан төтенше жағдай орын алды
Адольф Янушкевич көшесінде екі қабатты тұрғын үйдің бірінші қабатта орналасқан пәтерінде өрт шықты, деп хабарлайды Устинка LIVE тілшісі ШҚО ТЖД ақпаратына сүйеніп.
Өрт ас үй мен залдың жиһазын, тұрмыстық техникасын шарпыды.
Үй тұрғындарының бір бөлігі пәтерлерінен өз бетінше шыққан. Көршілер Андрей Горст пен Рүстем Еділхан, сондай-ақ өтіп бара жатқан екі жігіт бір-бірінің иығына тұрып, екінші қабатта тұратын баласы бар әйелге қатты түтін басқан пәтерден шығуға көмектесті. Оқиға орнына ШҚО ТЖД "Өрт сөндіру қызметінің" қызметкерлері келді. №6 ӨСБ өрт сөндірушілерімен өрт аймағынан 2 газ баллоны шығарылды, - делінген ақпаратта.
Пәтер иесіне Апаттар медицинасы орталығының дәрігерлері алғашқы көмек көрсетті. Медициналық мекемеде қайта тексергеннен кейін ол үйіне жіберілген.
Өрттің алдын ала себебі - газ баллонын пайдалану кезінде өрт қауіпсіздігі талаптарын сақтамау.