Өскеменде Бердібек Сапарбаевты еске алуға арналған турнир өтеді

Әуесқой командалар арасында шағын футболдан ашық республикалық футбол турнирі алғаш рет ұйымдастырылмақ

Фото:

pexels.com

Жарыс 29 қыркүйек – 1 қазан аралығында өтеді деп жоспарланған, деп хабарлайды Устинка LIVE Өскемен қалалық әкімдігі ақпаратына сүйеніп.

Шағын футбол турнирі "Алтай" стадионында өтетін болады. Қатысушылар Қазақстан Республикасының түкпір-түкпірінен жиналмақ.

Жарыстардан басқа көрермендер үшін конкурстық ойындар, ұтыс ойындары, сыйлықтар ұйымдастырылады, - деп мәлімдеді қалалық әкімдік.

Жарыстың басталуы: 29 қыркүйектен, сағат 14.00-де.