Осы аптада Өскеменде Зайсан ауданының мәдени күндері өтеді

Аудан өнерпаздарының концертіне эстрада жұлдыздары да қатысады деп жоспарлануда, деп хабарлайды Устинка LIVE.

Жұма күні "Ертіс концерт" залында сағат 18.30-да Зайсан ауданы өнерпаздарының "Туған ел – алтын бесігім" гала концерті өтеді. Сонымен қатар, келушілер Зайсан ауданы ауылшаруашылық және өнеркәсіп өнімдерінің, қолөнер, зергерлік бұйымдар, балалар шығармашылығы, аудандық тарихи-өлкетану музейінің көрмесін тамашалай алады.

Сағат 19.45-те "СМУ-Шығыс" компаниясының демеушілігімен мерекелік отшашу болады.

Сенбі күні әдеттегідей FreshMarket сауда-логистикалық орталығында сағат 08.00-14.00 аралығында ауылшаруашылық жәрмеңкесі ұйымдастырылады, - деп хабарлады Өскемен қалалық әкімдігі. - Қала қонақтары мен тұрғындары ауылшаруашылық өнімдері мен азық-түлік, ет пен балықты төмен бағада ала алады.

Осы жерде Зайсан ауданы көркемөнерпаздарының концерті, ұлттық спорт түрлерінен сайыстар, қой мен серке көтеруден жарыстар өтіп, ыстық бауырсақ пен палау үлестіріледі.

16 қыркүйек күні сағат 10.00-да Шығыс Қазақстан облыстық балалар және жасөспірімдер кітапхасында Зайсан ауданының тумасы, балалар жазушысы, публицист, Халықаралық "Андерсон" сыйлығының иегері Марат Қабанбайдың 75 жылдық мерейтойына орай "Балалар әдебиетінің жарық жұлдызы" атты еске алу әдеби кеші өтеді. Ал сағат 11.30-да С. Аманжолов атындағы ШҚУ-да жергілікті өлке тарихын жазушы, ҚР Жазушылар және Журналистер одақтарының мүшесі, 30-ға жуық кітаптың авторы, Абай тақырыбына сөзжұмбақ құрастырудан есімі Қазақстан КИнЭС-тер энциклопедиясына енген Қалибек Алтыбаевтың студенттермен кездесуі өтеді.

Ары қарай сағат 16.00-ден бастап арбатта да бірқатар шаралар жоспарланған: концерт, көрме, спорттық сайыстар.