Өскемен мен ШҚО ШҚО-да ұйымдасқан топ екі жыл бойы бір кәсіпорынның мүлкін тонап келген
Ұрылар кәсіпорынға жалпы сомасы 500 миллион теңге шығын келтірген
ШҚО полицейлері ұрлықпен айналысқан қылмыстық топтың іс-әрекетін тоқтатты, деп хабарлайды ШҚО ПД баспасөз қызметі.
Ұйымдасқан қылмысқа қарсы күрес басқармасының қызметкерлері 2 жылдан астам уақыт облыс кәсіпорындарының бірінің тауарлық-материалдық құндылықтарын ұрлаумен айналысқан қылмыстық топтың іс-әркетіне тосқауыл қойды, - делінген хабарламада. - Шығын 500 миллион теңгеден асады.
Сотқа дейінгі тергеп-тексеру барысында полиция қызметкерлері 20-дан астам тінту іс-шараларын жүргізген оның барысында заттай дәлелдемелер тәркіленді. Қажетті сот сараптамалары тағайындалды.
Негізгі күдіктілер, қылмыстық топтың ұйымдастырушысы мен белсенді қатысушылары соттың санкциясымен қамауға алынды.