Өскемен мен ШҚО ШҚО әкімінің бірінші орынбасары тағайындалды
Президент Әкімшілігінің келісімі бойынша бұл қызметке Нұрымбет Сақтағанов отырды
Нұрымбет Аманұлы бұған дейін де бұл қызметті атқарған және әр жылдары бірнеше ауданда да басшылық еткен, деп хабарлайды деп хабарлайды Устинка LIVE тілшісі
Нұрымбет Аманұлы Сақтағанов қаржы, экономика, қаржы саласын, бизнесті басқару, педагогика және құқықтану мамандықтары бойынша бірнеше жоғары оқу орындарын бітірген.
Еңбек жолын 1992 жылы бастаған және әр жылдары ҚР Мемлекеттік кірістер министрлігі Кеден комитетінің бөлім бастығы, ҚР Парламентінде Үкімет өкілдігінің бас эксперті, ҚР Экономика және бюджеттік жоспарлау министрінің кеңесшісі және инвестициялардың сыртқы көздерін жоспарлау бөлімінің басшысы, ҚР Еңбек және халықты әлеуметтік қорғау министрлігі Көші-қон комитеті төрағасының орынбасары, Қазақстан Республикасы Президенті Әкімшілігінің Мемлекеттік Бас инспекторы қызметтерін атқарған.
2012 жылы Нұрымбет Аманұлы Шығыс Қазақстан облысы әкімінің орынбасары болып тағайындалды. 2015 жылдан 2018 жылға дейін ШҚО әкімінің бірінші орынбасары болып қызмет жасады. Кейінгі жылдары Ұлан, Жарма аудандарының, Семей қаласының әкімі болып жұмыс істеді.
Соңғы лауазымы – Қызылорда облысы әкімінің орынбасары болып қызмет атқарды.