Өскемен мен ШҚО Өскеменде қала күніне орай қарбыз фестивалі өтеді
Қала күніне арналған фестивальға кез келген адам қатыса алады
Фестиваль барысында "Қарбыздан көркем кесу" номинациясы бойынша карвинг шеберлерінің байқауы ұйымдастырылады, деп хабарлайды Устинка LIVE тілшісі.
Өскемен қалалық әкімдігі қатысушылар саны шектеулі екенін ескертеді.
Жұмыстар дизайнның өзіндік ерекшелігі, кесу формаларының әртүрлілігі (гүлдер, өрнектер, жануарлар, құстар, адамдар фигуралары), көркемдік талғамы, күрделілік дәрежесі және орындау шеберлігі критерийлері бойынша бағаланады, - делінген қала әкімдігі ақпаратында. - Конкурсқа қатысуға қаланың барлық тұрғындарын шақырамыз. Қала тұрғындары мен қонақтары 30 тамызда сағат 10.00-ден бастап орталық қала алаңында шеберлердің жұмысын тамашалай алады.
Байқау қорытындысы бойынша жүлделі орындар мен сыйлықтар қарастырылған.
Конкурсқа қатысу үшін +7(7232)262284 нөміріне хабарласу қажет.