Өскемен мен ШҚО Ұлан ауданындағы психикалық денсаулық орталығы жаңа ғимаратқа көшіріледі
Жаңа Қанай ауылындағы "ШҚО психикалық денсаулық орталығы" жаңа корпусы салынады
Қазіргі ғимараттың әбден тозығы жетіп тұр, қызметкерлер науқастарды жабдықталмаған ғимаратта емдеуге мәжбүр, деп хабарлайды Устинка LIVE.
Медициналық мекемеге барған облыс әкімі Ермек Көшербаев қалыптасқан жағдаймен танысып, жаңа ғимаратқа көшіретінін жеткізді.
Бөлме 60 адамға арналған, қазір 50-ге жуық науқас емделуде. Олармен білікті қызметкерлер жұмыс істейді.
Аталмыш мәселені біржақты етуіміз керек. Ауруханада жатқан адамдарға барлық қажетті жағдай жасалуы қажет. Ол үшін ең алдымен, медициналық мекемені жаңа ғимаратқа көшіруіміз шарт. Онысыз болмайды. Ал мына ескі ғимаратты жермен жексен ету керек. Болашақта жаңа ғимаратқа Бозанбай ауылындағы ауруханада емделіп жатқан науқастарды да көшіруге болады,- деді ШҚО әкімі Ермек Көшербаев.
Өңір басшысы құзырлы мекемелерге осы мәселеге қатысты бірқатар тапсырма беріп, жаңа ғимаратқа көшіру жөніндегі іс-қимыл жоспарын әзірлеуді тапсырды.