Өскемен мен ШҚО Бұрын істі болған Самар тұрғыны мал ұрлығымен қолға түсті
Самар ауданының тұрғыны екі қошқарының жоғалғанын айтып аудандық полиция бөліміне шағымданған
Тәртіп сақшылары күдіктіні дереу анықтады, деп хабарлайды ШҚО ПД баспасөз қызметі.
Полиция қызметкерлері 1997 жылы туған күдікті жігітті анықтап, ұстаған. Ұсталған адам бұрын ұрлық жасағаны үшін сотталғаны және бас бостандығынан айырылғаны белгілі болды, - делінген ақпаратта. - Одан әрі жедел-іздестіру іс шараларын жүргізу барысында полиция қызметкерлері күдіктінің бір ірі қара басын ұрлауға қатысы бар екенін анықтады.
Екі қошқар үшін 120 000 теңге, ірі қара үшін 520 000 теңге шығын келтірген.
Жауап алу кезінде қаскөй бұл әрекетін мойындады. Заттай дәлелдемелер ішінара тәркіленді.
Аталған фактілер бойынша ҚР ҚК-ның 188-бабы 1-бөлігі, 188-бабы 1-бөлігі 3-тармағы "Мал ұрлығы" бойынша сотқа дейінгі тергеу басталды, оның санкциясы 5 жылдан 10 жылға дейінгі мерзімге бас бостандығынан айыру түріндегі жазаны көздейді.