Өскемен мен ШҚО ШҚО-да бала терезеден құлаған балабақша тәрбиешісі жұмыстан шығарылды
Шілде айының басында Алтай ауданында балабақша терезесінен бала құлап кеткен
Жарақат алған бала бір апта ауруханада жатып шыққан, деп хабарлады ҚазАқпарат.
Ал балаларға бас-көз бола алмаған балабақшаның тәрбиешісі жұмыстан шығарылыпты.
Алтай ауданы білім бөлімінің мәліметіне сүйенсек, оқыс оқиға 11 шілдеде түс кезінде балалар ұйықтайтын уақытта болған. Тәрбиеші құжаттарды басып шығару үшін топтан шығып кеткенде бөлмеде тәрбиешінің көмекшісі қалған.
Белгілі болғандай, бала тұрып, әжетханаға шығып кеткенін тәрбиешінің көмекшісі байқамады. Салдарынан бала екінші қабаттың терезесінен құлап кетті. Жарақат алған бала ауруханаға жатқызылып, бір аптадан кейін шығарылды, - делінген ақпаратта.
Ведомство дерегінше, өз міндетін дұрыс атқармаған тәрбиеші жұмыстан шығарылды. Ал тәрбиешінің көмекшісіне қатаң сөгіс жарияланды.
