Өскемен мен ШҚО Парижде өтетін Олимпиада ойындарына ШҚО-дан баруға 18 спортшы үміткер
2024 жылдың шілде-тамыз аралығында Парижде 33-ші жазғы Олимпиада ойындары өтеді
4 жылда бір рет өтетін ойындар 32 спорт түрінен өтпек, деп хабарлайды Устинка LIVE.
ШҚО Дене шынықтыру және спорт басқармасы басшысының орынбасары Серік Құсымбаев атап өткендей, Олимпиадаға біздің өңірден спорттың 7 түрі бойынша 18 адам қатысуға үміткер.
Жеңіл атлетикадан үміткерлер қатарында Надежда Дубовицкая, Элина Михина, Жанна Мамажанова, Галина Якушева, Дейзи Джепкемей, Каролина Кипкируи, Шадерак Коеч, Нора Тануи, еркін күрестен Азамат Дәулетбеков, Данияр Қайсанов, грек-рим күресінен Ернар және Ернұр Фидахметовалар,ескек есу слаломынан байдаркаларда және каноэда Александр Куликов, Қуаныш Ергайыпов, байдарка мен каноэде есу бойынша Маргарита Торлопова, ауыр атлетикадан Денис Ұланов және семсерлесуден Руслан Құрбанов пен Вадим Шарлаимов бар, - деді Серік Құсымбаев.
Сонымен қатар, ол әртүрлі спорт түрлері бойынша Қазақстан Республикасы құрамасының құрамына Шығыс Қазақстаннан 707 спортшы кіргенін атап өтті.
2023 жылдың 6 айында облыс спортшылары түрлі спорт түрлері бойынша - 3303 медаль, оның ішінде: Алтын - 1208, күміс - 1031, қола - 1064 медаль жеңіп алды. 300 спортшы 35 Халықаралық турнирге қатысуды жоспарлап отыр, ал 170 спортшы Әлем және Азия чемпионаттарына қатысады, - деді Серік Құсымбаев.