Өскемен мен ШҚО Өскеменге келген шетелдіктер туралы хабарламаған 241 адам жауапқа тартылды
Шетел азаматының үйіне келгенін немесе шетел азаматын жұмысқа қабылдағанын уақтылы хабарламаған жеке және заңды тұлға әкімшілік жауапкершілікке тартылады
Шетелдіктің Қазақстан Республикасында болуы туралы хабарламаны ұсынудың баламалы тәсілі - eQonaq ақпараттық жүйесі.
Жүйені пайдалану үшін алдын ала eQonaq.кz порталында тіркелу қажет. Жүйеде авторизациядан өткеннен кейін шетелдіктің төлқұжатын сканерлеуге немесе деректерді қолмен енгізуге болады. Бұл қызметтің нәтижесі сіздің жеке кабинетіңізде сақталады. Келу туралы хабарламадағы ақпарттың дұрыстығына, сондай-ақ хабарламаның уақтылы тапсырылуына қабылдаушы жауапты екенін еске саламыз, - деп ескертеді Өскемен қалалық ПБ Көші-қон қызметі бөлімі.
Хабарламаны уақтылы бермегені үшін қабылдаушы тұлғалар ҚР ӘҚБтК-ның 518-бабының 1-бөлігі бойынша әкімшілік жауапкершілікке тартылды.
Ағымдағы жылдың басынан бері Өскемен қаласы ПБ Көші-қон қызметі бөлімімен 241 жеке және заңды тұлғалар әкімшілік жауапкершілікке тартылды, - деп хабарлады Өскемен қалалық ПБ Көші-қон қызметі бөлімі.