Өскемен мен ШҚО ШҚО-да екі жыл ішінде 30-дан астам денсаулық сақтау нысаны салынады
Биыл өңірдегі 16 денсаулық сақтау нысанын күрделі жөндеуден өткізу үшін 2,7 млрд теңге қарастырылған
Оның ішінде Самар ауданының ауруханасында жөндеу жұмыстар аяқталып қойды, деп хабарлайды деп хабарлайды Устинка LIVE.
Ағымдағы жылдың 1 жартыжылдығында 207 млн теңгеге керекті құрал-жабдық сатып алынды, қалған жабдықты жеткізу 2023 жылдың екінші жартыжылдығына жоспарлануда. Барлығы 412 бірлік медициналық жабдықты сатып алуға 3,9 млрд теңге бөлінді, - дейді ШҚО әкімі Ермек Көшербаев.
Ал құрылысы басталған Гематология орталығының, Риддер қаласындағы 140 төсектік стационары бар көпбейінді аурухана кешені мен 500 келушіге арналған емхананың, Қасым Қайсенов кентіндегі емхананың құрылыстары 2025 жылға дейін аяқталады.
Денсаулық сақтау саласының қарқынды дамуы медицина қызметкерлерінің кәсіби өсуін талап етеді, сондықтан дәрігерлерді оқыту, оның ішінде жетекші шетелдік клиникаларда да оқыту жалғасады. 27 дәрігер біліктілігін арттыру үшін Израиль, Латвия, Германия және Ресей клиникаларында оқуда, - деді әкім.
Сондай-ақ, Ермек Көшербаев Президент алға қойған міндеттерді іске асыру аясында 2 жыл ішінде ауылдарда 36 медициналық және фельдшерлік-акушерлік пунктер салынып, толық жарақтандырылатынын айтты.
Ағымдағы жылы 19 нысанның құрылысын қаржыландыруға 2,9 млрд теңге жоспарланған. Біздің мақсатымыз - ана мен бала өлімінің санын азайту. Қан айналымы жүйесі ауруларынан, қатерлі ісіктерден, әлеуметтік маңызы бар аурулардан болатын өлім мен сырқаттанушылық деңгейін төмендету, - деп түйіндеді ШҚО әкімі.
