Өскемен мен ШҚО ШҚО-да "Жайлы мектептер" салу үшін 34 млрд теңгеден астам қаражат бөлінді
"Жайлы мектеп" ұлттық жобасы аясында Шығыс Қазақстан облысында 4200 орындық 10 мектеп салынбақ
Он мектептің жалпы құны 34,7 млрд теңгені құрайды, деп хабарлайды Устинка LIVE тілшісі ШҚО Құрылыс, энергетика және тұрғын үй-коммуналдық шаруашылық басқармасы басшысының орынбасары Саят Тойкеновтің мәлімдемесіне сүйеніп.
2023 жылы 10 мектептің ішінен 3 мың орындық 7 мектептің құрылысы басталады. Оларды іске асыруға Ұлттық қордан 9,4 млрд теңге бөлінді. Бүгінгі таңда барлық 10 мектептің жер учаскелері анықталды, олардың жетеуі "Samruk - Kazyna Construction" АҚ атына ресімделген, - деді Саят Тойкенов.
Сондай-ақ, ол 4 мектеп бойынша конкурстық жұмыстар аяқталып, мердігерлік ұйымдар анықталғанын, 3 мектеп бойынша конкурстық жұмыстар жүргізіліп жатқанын айтты. "Samruk-Kazyna Construction" ақпараты бойынша конкурстық жұмыстар шамамен 4 тамызда аяқталады.
Жобаға сәйкес мектептердің жер учаскелеріне инженерлік-коммуникациялық инфрақұрылымды жергілікті атқарушы органдар жеткізетінін атап өткім келеді. Сараптама алудың жоспарланған мерзімі – қыркүйек айы, - деді Саят Тойкенов.