Шығыс Қазақстанда 41 градусқа дейін ыстық болады

"Қазгидромет" ШҚО филиалының ақпараты бойынша, 14 шілдеде күндіз Шығыс Қазақстан облысының оңтүстігінде 41 градус өте қатты ыстық күтіледі.

Сондай-ақ, 13-14 шілдеде төтенше өрт қаупі сақталады.

ШҚО ТЖД халыққа қауіпсіздік шараларын сақтауды ескертеді.

Күннің ең ыстық уақытында сыртқа шықпауға тырысыңыз. Күндіз қарқынды физикалық белсенділіктен аулақ болыңыз. Сыртта көлеңкеде болыңыз. Дененің қызып кетуіне жол бермеңіз: салқын душ қабылдаңыз, табиғи матадан жасалған жеңіл және кең киім киіңіз, сыртқа шыққанда бас киім мен күннен қорғайтын көзілдірік тағыңыз, - деп ескертеді мамандар.