Өскемен мен ШҚО Өскемендіктер домбыраның этно-рок стиліндегі үнін естіді
Өскемен қаласының Арбатында Ұлттық домбыра күніне орай "Әлем сазы" вокалды-инструменталды ансамблі өнер көрсетті
Арбатқа жиналған қала тұрғындары мен қонақтары ұлттық домбыраның этно-рок стилінде күмбірлегенінің куәсі болды.
Қыдырәлі Болманов құрған "Ұлытау" тобы қазақтың қара домбырасын әлемге танытуға өз септігін тигізді. Біз де облысымызда этно-рок стилінде өнер көрсететін топпыз. Қазіргі заман жастары да өзгерістерді, жаңашылдықтарды қалайды. Біз болсақ, оларға домбыраны кез келген музыкалық стильде және кез келген ұлттың әуенін шырқай алатынын көрсетудеміз, - деді топтық көркемдік жетекшісі Мирас Төреханұлы.
"Әлем сазы" вокалды-инструменталды ансамблі жиналғандарға қазақтың танымал күйлерін, попурри және шетелдік әуендерді орындап, домбыраның сан қырлылығын көрсетіп тәнті етті.
