Өскемен мен ШҚО Өскемендегі саяжай ауданында шөп өртенді
ШҚО ТЖД мамандары өртеніп жатқан құрғақ шөпті сөндіріп жатыр
Фото:
ШҚО ТЖД баспасөз қыметінен
27 маусымда Өскемен қаласында Станиславский көшесі бойында, Скалистое саяжай қоғамы ауданында шамамен 2 га алаңда құрғақ шөп өртенді, деп хабарлайды Устинка LIVЕ тілшісі ШҚО ТЖД баспасөз қызметі ақпаратына сүйеніп.
5 м/с екпінмен соққан жел жағдайды ушықтырып тұр және таулы орындағы шөп өртенгендіктен, жету де қиыншылық тудыруда. Өртті сөндіруге ШҚО ТЖД мен орман шаруашылығынан 68 адам және 13 бірлік техника жұмылдырылды, - деп хабарлады ШҚО ТЖД баспасөз қызметі.
Мамандардың айтуынша, МИ-8 тікұшағы 7 рет су төкті. Қазіргі уақытта ашық жалын жоқ, жану аймағында жекелеген ошақтар бар.