Өскемен мен ШҚО АвтоЦОН-дар күшейтілген жұмыс режиміне ауысады
Бұл шетелден әкелінген автокөліктерді заңдастыру науқанына байланысты
Бірақ жүргізуші куәлігі әдеттегі кесте бойынша беріледі, деп хабарлайды Устинка LIVE тілшісі "Азаматтарға арналған үкімет" МК ШҚОФ баспасөз қызметінің ақпаратына сүйеніп.
Естеріңізге сала кетейік, 2023 жылдың 1 шілдесінде елге 2022 жылдың 1 қыркүйегіне дейін әкелінген шетелдік автокөліктерді заңдастыруға өтінімдерді қабылдау аяқталады.
Осыған байланысты, азаматтарға қызмет алу қолайлы болу үшін автокөлікті заңдастыруға болатын еліміздің МХҚО-лары күшейтілген жұмыс режиміне ауысады. Олар азаматтарды жұмыс күндері сағат 9.00-ден 19.00-ге дейін (құжаттарды беру 20.30-ға дейін), сенбі күні – 9.00-ден 18.00-ге дейін (құжаттарды беру 19.30-ға дейін) қабылдайды, - делінген хабарламада.
Айта кетейік, бұл жұмыс кестесі автокөліктерді заңдастыруға ғана қатысты. Жүргізуші куәлігі әдеттегі кесте бойынша беріледі.
Ескере кету керек, 1 шілдеден бастап заңдастыруға өтінімдерді қабылдау тоқтатылады. Көрсетілген мерзімге дейін келіп түскен барлық өтінімдер талаптарға сәйкес қаралатын болады.