ШҚО-да қатты жел соғады

"Қазгидромет" РМК алдағы күндерге арналған ауа райы болжамын жариялады, деп хабарлайды Устинка LIVE тілшісі.

Алдағы күндері еліміздің басым бөлігінде атмосфералық фронтальды бөлімдердің өтуіне байланысты ауа райының тұрақсыз болады. Кей аймақтарда ауа температуасы төмендеуі де мүмкін.

12 маусымнан бастап еліміздің шығысында жаңбыр жауып, найзағай және қатты жел болуы мүмкін. Алдағы аптадағы ауа температурасы 28 градустан аспайды. Түнде ауа температурасының айтарлықтай төмендеуі мүмкін, - дейді синоптиктер.

Ал облыс орталығында жауын-шашынсыз ауа райы сақталып, ауа температурасы 25-28 градус аралығында болады.

"Қазгидромет" ШҚ филиалының ақпараты бойынша 13 маусымда күндіз Шығыс Қазақстан облысының солтүстігінде солтүстік-батыстан, солтүстіктен 15-20 м/с жылдамдықпен жел соғады. Облыстың басым бөлігінде төтенше өрт қаупі сақталады.

Өскемен қаласында жел солтүстіктен соғады, күндіз екпіні 15-18 м/с дейін жетуі мүмкін.