Өскемен мен ШҚО Өскеменде күніне бір-екі балаға күн өтіп, ауруханаға түседі
Соңғы күндері Шығыс Қазақстан облысында аптап ыстық сақталуда
Өскемен қаласында күн сайын ыстық өткен 1-2 балаға жедел жәрдем көмекке келеді, деп хабарлайды ҚазАқпарат.
ШҚО-да ауа температурасы күрт ысып, сынап бағанасы 41 градусқа дейін көтерілді.
ШҚО Денсаулық сақтау басқармасының мәліметіне сүйенсек, осы аптаның басынан бері Өскеменде бірнеше балаға ыстық өткен. Ал ересектер арасынан дәрігер көмегіне ешкім жүгінбеді.
Қазір қала бойынша күн сайын ыстық өткен 1-2 баланың ата-анасы жедел жәрдем шақыруда. Ал аудандардағы жағдай тұрақты. Ыстық ауа райында бас киімсіз көшеге шықпаңыз. Мүмкіндігінше, сағат 12.00-ден 17.00-ге дейін күн астында жүру уақытын шектеңіз. Көшеге шығарда ашық түсті киімдерді таңдаңыз. Жиі су ішіп жүріңіз, - дейді облыстық жедел жәрдем станциясы бас дәрігерінің орынбасары Гүлнәр Кекіманова.