Өскеменде Мемлекеттік рәміздер күні қалай өтеді?

Осыған орай Өскемен қалалық әкімдігі Мемлекеттік рәміздер күніне арналған мерекелік шараларға шақырады, деп хабарлайды Устинка LIVE тілшісі.

Жексенбі күні мемлекеттік рәміздер күніне шаһарда бірнеше шара жоспарланған.

Мәселен, 17.00-де Арбатта қаланың шығармашылық ұжымдары мен Сәрсен Аманжолов атындағы ЖОО студенттерінің қатысуымен мерекелік концерт, мерекелік сауда, қолөнершілер көрмесі, бет бояуы, фотоаймақ, аниматорлар және т.б. ұйымдастырылады.

Ал Қазыбек би көшесінен (Тәуелсіздік монументінен, М. Горький және Сағадат Нұрмағамбетов көшелерінің бойымен орталық алаңға дейін) мотожарыс өтеді.

Баршаңызды 4 маусым күні сағат 18.00-де Арбатта өтетін Мемлекеттік рәміздер күніне орай Қазақстанның әнұранын орындау акциясына қосылуға шақырамыз, - делінген әкімдік хабарламасында.