Өскемен мен ШҚО "Өскемен-Алтай" тас жолының бойында көлік өртенді
Жол үстінде келе жатқан дүк көлігінің мотор бөлігінде өрт шыққан
Оқиға орнына жеткен өрт сөндірушілер жалынды өшірді, деп хабарлайды Устинка LIVE ШҚО ТЖД баспасөз қызметінің ақпаратына сүйеніп.
"Өскемен-Алтай" тас жолының 109-шы шақырымында келе жатқан Газель маркалы автокөлігінің мотор бөлшектері, аспаптар панелі, салон қаптамасы, доңғалақ шиналары өртенді. Өрт аумағы 10 ш.м.Өрттің алдын - ала себебі-қауіптілігі жоғары қондырғыны абайсыз пайдалану. Зардап шеккендер жоқ, - делінген хабарламада.
ШҚО ТЖД қауіпсіздік шараларын еске салады:
- Машинаның техникалық жағдайын мұқият қадағалаңыз, уақытында техникалық тексерістен өткізіңіз.
- Көлігіңіз гаражда тұрса, оңай жанатын заттарды – жиһазды, жанармай (20 литрден астам) және майды (5 литрден астам) сақтауға болмайды.
- Гараж боксының жанында құрғақ шөпті өртеуге жол бермеңіз.
ШҚО ТЖД мамандары автокөліктегі өрт кезінде дүрбелеңге түспеуге және келесі әрекет алгоритмін ұстануға кеңес берді:
1. Егер жолда болсаңыз, көлікті тоқтатыңыз, жолаушыларды түсіріңіз және салоннан шығыңыз, құжаттар мен өрт сөндіргішті алыңыз.
2. Егер жанармай багының жанынан өрт шықса, қауіпсіз қашықтыққа қашып, бөгде адамдарға қауіп туралы ескертуіңіз керек. 101 ил 112 нөміріне қоңырау шалып, өрт сөндірушілердішақырыңыз.
3. Капот асты тұтанса, өрт сөндіргіш немесе басқа да құралдардың көмегімен өртті сөндіруге тырысыңыз. Капотты өте сақтықпен ашу керек, өйткені ауа ағыны жалынды күшейтуі мүмкін.
