Өскемен мен ШҚО Өскемендегі автобустардың бірінің бағыты уақытша өзгереді
Бабкин мельница ауданынан қатынайтын №10 бағыттағы автобус уақытша басқа жолмен жүретін болады
Ол енді Крылов, Протозанов, Қайсенов көшелерінің бойымен жүрмейді, деп хабарлайды Устинка LIVE тілшісі Өскемен жолаушылар тасымалын басқару орталығының ақпаратына сүйеніп.
Бүгіннен бастап Қайсенов көшесіндегі жылу желісіне жөндеу жүргізіле бастайды. Сондықтан 30 маусымға дейін Әуезов даңғылы мен Қайсенов көшесінің қиылысындағы автокөлік қозғалысы ішінара, ал Қайсенов көшесінің Әуезов даңғылы, 33-тен Қайсенов көшесі, 117-ге дейін толық жабылады.
Әуезов даңғылы, 33 - Қайсенов көшесі, 78 (117) үйлерінің ауданында жер қазу және монтаждау жұмыстарының жүргізілуіне байланысты "Ивушка - Ж/Д көпірі" бағытында қатынайтын №10 автобус Крылов, Протозанов, Қайсенов көшелері бойымен жүрмейді. Тікелей Әуезов даңғылымен қатынайтын болады, - деп хабарлады Өскемен қалалық жолаушылар тасымалын басқару орталығы.
Уақытша өзгеріс бір жарым айға созылмақ.