Өскемен мен ШҚО Өскеменде темекінің кесірінен өрт шығып, бір адам зардап шекті
Өрт сөндірушілер түтін ортасынан екі адамды құтқарып, тағы 25 тұрғынды эвакуациялады
Фото:
ШҚО ТЖД баспасөз қызметінен
Бүгін қаладағы 9 қабатты үйлердің бірінің 6-қабатындағы пәтерден өрт шықты, деп хабарлайды Устинка LIVE тілшісі.
Оқиға орнына жеткен ШҚО ТЖД мамандары қою түтін басқан кіреберістен 17 ересек пен 8 баланы эвакуациялады. Жанып жатқан пәтерден әйел мен ер адам шығарылды. Денесін күйік шалған ер адам қаланың медициналық мекемесіне жатқызылды, әйелді жедел жәрдем дәрігерлері тексерді, - делінген хабарламада.
ШҚО ТЖД қызметкерлерінің үйлесімді іс-қимылдарының арқасында өрт көрші пәтерлерге таралған жоқ.
Өрт темекі шегу кезіндегі абайсыздықтан шыққан.
Төтенше жағдайлар туындаған кезде дереу "101" немесе "112" телефондарына хабарлау қажет.
